Plantun de Prouvènço

Pèr coumpara dos planto d'encò nostre

Populus alba & Picea abies

Aubo

Populus alba

Salicaceae

Àutri noum : Aubero, Aubre-blanc.

Noms en français : Peuplier blanc, Peuplier de Hollande.

Descripcioun :
Grand aubre emé un pege e de ramo proun blanc. Li fueio soun bourrihudo blanco dessouto mai forço chanjadisso ço que pòu engana. Aquéli di ramo novo soun bèn mai grando e telado au contro de li di vièii ramo.

Usanço :
Sa ligno se travaio eisa, servié pèr li bouto e barioto o peréu pèr la fustarié. A l'ouro d'aro se fai de pasto pèr lou papié e li contro-placa. Proche dóu sause, la rusclo pòu servi contro li fèbre.

Port : Aubre
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Populus
Famiho : Salicaceae

Coulour de la flour : Roujo
Petalo : ges
Ø (o loungour) flour : Pancaro entresigna
Flourido : Ivèr

Sòu : Ca
Autour basso e auto : Pancaro entresigna
Aparado : Noun

Liò : Ribiero
Estànci : Pancaro entresigna
Couroulougi : Pancaro entresigna
Ref. sc. : Populus alba L., 1753

Serento

Picea abies

Pinaceae

Àutri noum : Serénta, Sarento, Sourento, Serinte, Sùfi.

Noms en français : Epicéa, Épicéa commun.

Descripcioun :
Pèr pas s'engana emé lou sapin fau regarda coume soun lis aguio o peréu li pigno (o vacheto). Li fueio de la serento soun estacado tout à l'entour de la ramo coume uno brosso, au contro de li dóu sap que soun tóuti dins lou meme plan coume un penche. De nouta pamens qu'acò marcho pas pèr d'ùni sap fourestié (coume Abies pinsapo). Li pigno pendoulon, alor qu'encò dóu sap, quouro li poudès vèire, se tènon bèn drecho.

Usanço :
I'a touto meno d'utilisacioun dóu bos segound sa qualita. La pegoulo (resino) èi di proun vulneràri. Foundudo, servié, à passa tèms, pèr sougna li tigno (J.-R. Fortoul). Li jóuini fueio soun manjadisso (ensalado, pèis), an lou goust de citroun.